لاہور(این این آئی)اداکار افضل خان ( ریمبو) کے ڈانس نے شوبز ستاروں کی محفل کو گرما دیا اور دوستوں کے اصرار پر ریمبو نے دوبارہ ڈانس کیا ، شان نے بھارتی گانے پر ڈانس ہونے کی وجہ سے افضل خان کے ڈانس پر کسی قسم کا تبصرہ کرنے سے انکار کر دیا۔ تفصیلات کے مطابق شوبز ستارے شان ، سعود، ریشم، کوریو گرافر پپو سمراٹ ،ریشم اور دیگر ایک جگہ اکٹھے ہوئے جہاں پر ریمبو نے ایک گانے پر ڈانس کے کچھ سٹیپس کر کے دکھائے ۔ دوستوں کے اصرار پر ریمبو نے دوبارہ ڈانس کے سٹیپس کئے ۔ ریشم نے کوریو گرافر پپو سمراٹ سے پوچھا تو انہوں نے بہترین کہا تاہم جب ریشم نے شان سے پوچھا تو انہوں نے کہا کہ میں انڈین دیکھتا ہی نہیں ہوں جس پر قہقہ بلند ہوا ، ریمبو نے کہا کہ آپ نے میرا ایکشن تو دیکھا ہے ناں۔
