اسلام آباد (این این آئی)وفاقی وزیر برائے منصوبہ بندی، ترقی واصلاحات وخصوصی اقدامات اسدعمر نے کہا ہے کہ ایک دن میں ویکسین کی 22 لاکھ 40 ہزار خوراکیں لگانے کا ریکارڈ قائم ہوا ہے، 58 فیصد پاکستانیوں کو مکمل ویکسین لگ چکی ہے۔اپنے بیان میں انہوںنے کہاکہ گزشتہ 4 دنوں میں ویکسین کی روزانہ 20 لاکھ سے زیادہ خوراکیں لگائی گئی ہیں۔انہوں نے کہا کہ ویکسی نیشن کے اہل 4 میں سے ہر 3 پاکستانیوں نے ویکسین کی کم از کم 1 خوراک لگوائی ہے، 58 فیصد پاکستانی مکمل طور پر ویکسین شدہ ہیں۔ انہوں نے متعلقہ اداروں کو شاباش دی۔
