ممبئی (این این آئی) بالی ووڈ کے شہنشاہ امیتابھ بچن کسی بھی فلم کا سکرپٹ کس طرح پسند کرتے ہیںاس حوالے سے معلوم ہوا ہے کہ وہ سکرپٹ کا بغور مطالعہ کرنے کے بعد اس کے رسک اور چیلنجز کا تجزیہ کرتے ہیں اور پھر اپنے چند قریبی لوگوں سے ان کی سفارشات اور تجاویز لیتے ہیں تاکہ اس پر کوئی فیصلہ کرسکیں۔ کچھ ایسا ہی اس وقت ہوا جب بگ بی سے ناگراج منجولے نے فلم جھنڈ میں کام کیلئے رابطہ کیا جس پر امیتابھ بچن نے اپنا پرانا ہی طریقہ اختیار کیا۔بگ بی نے اس فلم میں کام کرنے کیلئے صرف ایک شخصیت کی سفارش پر ڈیل طے کرلی، اور یہ شخصیت کوئی اور نہیں صرف بالی ووڈ کے معروف مسٹر پرفیکشنسٹ عامر خان ہیں۔معلوم ہوا ہے کہ عامر خان نے امیتابھ بچن کو فلم جھنڈ کرنے کے لیے رضامند کیا اور یہ بات خود امیتابھ بچن نے ایک پرانے انٹرویو میں تسلیم کی۔
