ماسکو (این این آئی)یوکرین کیساتھ جنگ میں روس کا بڑا دعوی سامنے آگیاہے۔روس نے کہاہے کہ یوکرین پر حملیکیآغاز سے لیکراب تک 14 ہزار یوکرینی فوجی ہلاک اور16 ہزارسے زائد زخمی ہوگئے جب کہ روس نے 1351 فوجیوں کی ہلاکت کا اعتراف بھی کیا ہے۔دوسری جانب یوکرین کا دعوی ہے کہ اس کے فوجیوں نے 16ہزار روسی اہلکاروں کو ہلاک کیا ہے۔میڈیارپورٹس کے مطابق اس کے علاوہ یوکرین نے خارکیف شہر کے اسپتال پر روسی حملے میں 4 افراد کی ہلاکت کا دعوی بھی کیا ہے۔یوکرین کے شہر وینیتسا میں ملٹری کمانڈ سینٹر پر میزائل حملہ کیاگیا جس سے کئی عمارتیں متاثر ہوئیں۔روسی وزارت دفاع کا کہناتھا کہ یوکرین میں فوجی آپریشن کا پہلا مرحلہ زیادہ ترمکمل ہوگیا اور اہداف مکمل ہونے تک آپریشن جاری رہے گا۔روسی صدر نے ملک سے باہر ایکشنز سے متعلق جھوٹی خبر پر سزا کے قانون پر دستخط کر دئیے، اس قانون کے تحت جھوٹی خبر پر 15 سال تک قید ہو سکے گی۔علاوہ ازیں فرانس، ترکی اور یونان نے یوکرین سے شہریوں کے انخلاکے لیے مشن بھیجنے کا فیصلہ کیاہے۔
