ریاض (این این آئی)خادم حرمین شریفین شاہ سلمان بن عبدالعزیز نے سات رمضان المبارک خیراتی کاموں کے لیے دوسری قومی مہم شروع کرنے کی منظوری دی ہے۔ سعودی خبر رساں ایجنسی کے مطابق یہ مہم فلاحی کاموں کے تمام پہلوں کی کفالت کی توسیع اور اس مقدس مہینے میں خیراتی سرگرمیوں کی سرپرستی کرنے کے لیے شروع کی جا رہی ہے۔سعودی ڈیٹا اینڈ آرٹیفیشل انٹیلی جنس اتھارٹی (سدایا)کے سربراہ اور احسان پلیٹ فارم کی نگران کمیٹی کے سربراہ ڈاکٹرعبداللہ بن شرف الغامدی نے خادم حرمین شریفین کا شکریہ ادا کیا اور کہا کہ شاہ سلمان بن عبدالعزیز اور ولی عہد شہزادہ محمد بن سلمان بن عبدالعزیز آل سعود خیراتی کاموں میں بڑھ چڑھ کرحصہ لے رہے ہیں۔
