اسلام آباد (این این آئی)حکومت مخالفت اپوزیشن اتحاد پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان کی اپیل پر(کل) جمعہ کو یومِ تحفظِ آئین پاکستان منایا جائیگا ۔ گزشتہ روز مولانا فضل الرحمن نے اپیل کی کہ آئین کی توقیر نہیں رہتی تو پاکستان کے وجود پر سوالیہ نشان ہوگا ، ہمارے اداروں کی ذمے داری ہے کہ وہ آئین کے تحفظ کے لیے اپنا کردار ادا کریں۔انہوں نے کہاتھا کہ پوری قوم آنے والے جمعہ کو پورے ملک میں یوم تحفظ آئین پاکستان کے طور پر منائے۔مولانا فصل الرحمن نے ہدایت کی کہ نماز جمعہ کے خطبوں میں ائمہ کرام آئین پاکستان کی حرمت اور حفاظت کی ضرورت پر روشنی ڈالیں عوام کو اس کی اہمیت سے آگاہ کریں ،صوبائی دارالحکومتوں میں ریلیاں نکالی جائیں اور تحفظ آئین پاکستان وکلا کنونشن منعقد کیا جائے ۔
