اسلام آباد (این این آئی)وفاقی وزیراطلاعات مریم اورنگزیب نے کہا ہے کہ وزیر اعظم شہباز شریف کا دورہ سعودی عرب دونوں ممالک کے درمیان برادرانہ، پرجوش اور باہمی اعتماد پر مبنی تاریخی تعلقات کی تجدید کا مظہر ہے۔ وفاقی وزیراطلاعات مریم او رنگزیب نے بتایاکہ پاکستان کے محسن اور سعودی عرب کے ولی عہد شہزادہ محمد بن سلمان کی خصوصی دعوت پر وزیراعظم شہبازشریف حجاز مقدس کادورہ کررہے ہیں ، 28 سے 30 اپریل کا یہ دورہ وزارت عظمی کا منصب سنبھالنے کے بعد شہبازشریف صاحب کا پہلا غیرملکی دورہ ہے جو دونوں ممالک کے درمیان برادرانہ، پرجوش اور باہمی اعتماد پر مبنی تاریخی تعلقات کی تجدید کا مظہر ہے اور مثالی دوستی کا ایک نیا تاریخی باب کھولے گا۔ انہوںنے کہاکہ چارسال کے دورگھبراہٹ کے بعد پاکستان کے دوستوں کی محفل پھر سے آباد ہونے جارہی ہے، استحکام، ترقی اور خوش حالی کی منزل کا پھر سے آغاز مبارک ہو۔عمرہ کی سعادت اور روضہ رسول پاک پر درود پڑھنے کی برکتیں ہمارے ساتھ ہوں گی۔ سعودی عرب پاکستان دوستی ہمیشہ زندہ باد۔
