اسلام آباد (این این آئی)پاکستان تحریک انصاف کے مرکزی سیکرٹری اطلاعات فرخ حبیب نے کہا ہے کہ امپورٹڈ حکومت نے سیاسی مخالفین کے خلاف توہین مذہب کا شرمناک استعمال کیا،غلامی نامنظور تحریک کی مقبولیت سے حکومت کی کانپیں ٹانگنا شروع ہوگئی ہیں،امپورٹڈ حکمران پرامن تحریک پر دھمکیاں دے رہے ہیں،یہ فاشسٹ حکومت ہے۔ میڈیا سے گفتگو کرتے ہوئے فرخ حبیب نے کہاکہ منشیات کے مقدمے میں پیشی پر آنے والا شخص قوم کو قانون کی بالا دستی کا درس دے رہا ہے۔ وزیر مملکت نے کہاکہ تحریک انصاف حکومت نے اپنے دور میں ایک بھی سیاسی مخالف پر کوئی انتقامی مقدمہ نہیں بنایا۔ فرخ حبیب نے کہاکہ امپورٹڈ حکومت نے سیاسی مخالفین کے خلاف توہین مذہب کا شرمناک استعمال کیا۔ وزیر مملکت نے کہاکہ عمران خان کی حقیقی آزادی کی تحریک عوام میں بھرپور مقبولیت حاصل کر رہی ہے،غلامی نامنظور تحریک کی مقبولیت سے حکومت کی کانپیں ٹانگنا شروع ہوگئی ہیں۔ وزیر مملکت نے کہاکہ امپورٹڈ حکمران پرامن تحریک پر دھمکیاں دے رہے ہیں،یہ فاشسٹ حکومت ہے۔ انہوںنے کہا کہ حکومت ملک کے امن و امان کو تباہ برباد کرنے کی دھمکی دے رہی ہے،یہ لوگ گلی محلوں کی سطح پر فساد،ملک میں خانہ جنگی چاہتے ہیں
