پوٹن کا جنگ پر اعتماد متزلزل ہو چکا ہے، سابق روسی وزیراعظم

0
42

ماسکو(این این آئی)سابق روسی وزیر اعظم میخائل کاسیانوف نے کہا ہے کہ صدر ولادیمیر پوٹن کو یہ ادراک ہونے لگا ہے کہ وہ یوکرین میں جنگ ہار رہے ہیں۔میڈیارپورٹس کے مطابق میخائل کاسیانوف نے کہاکہ یوکرین کی جنگ سے ولادیمیر پوٹن کا اعتماد متزلزل ہو گیا ہے۔ انہوں نے کہا کہ ہو سکتا ہے کہ روسی صدر کو ان کے جرنیلوں نے حالتِ جنگ کے بارے میں گمراہ کیا ہو اور انہیں اصل حقائق سے آگاہ نہ کیا گیا ہو۔انہوں نے کہاکہ پوٹن نے نو مئی کویوم فتح پر، جو تقریر کی تھی، اس میں وہ طاقت کی بات نہیں کر رہے تھے بلکہ وہ ‘تھوڑے گھبرائے ہوئے دکھائی دے رہے تھے۔کاسیانوف کا کہنا تھاکہ پوٹن کا ردعمل اور ان کی تقریر بالکل کمزور تھی۔ پوٹن کو یہ احساس ہونا شروع ہو گیا ہے کہ وہ یہ جنگ ہار رہے ہیں۔