لاہور (این این آئی) پاکستان کی معروف اور خوبرو اداکارہ نیلم منیر نے سینئر اداکارہ صائمہ نور کو اپنا بہترین دوست قرار دیدیا۔نیلم منیر نے اپنے آفیشل انسٹاگرام اکاؤنٹ کی اسٹوری میں اداکارہ صائمہ نور کے ساتھ بنائی کچھ ویڈیوز شیئر کیں، ایک ویڈیو میں دیکھا جاسکتا ہے کہ نیلم اور صائمہ خوشگوار موڈ باتیں کررہی ہیں۔نیلم منیر نے اس مختصر ویڈیو کلپ کے کیپشن میں لکھا کہ ”خوبصورت دوست کے ساتھ خوبصورت لمحات”، اداکارہ نے اس ویڈیو میں پاکستان فلم انڈسٹری کی معروف ادکارہ صائمہ نور کو اپنا بہترین دوست قرار دیا جس پر صائمہ نے ازراہ مذاق کہا کہ ”اللہ توبہ”۔واضح رہے کہ نیلم منیر سوشل میڈیا پر کافی متحرک رہتی ہیں اور اپنی نئی تصاویر اور ویڈیوز مداحوں کے ساتھ شیئر کرتی نظر آتی ہیں، ڈراموں سے اپنے کیرئیر کا آغاز کرنے والی اداکارہ نے فلمی دنیا میں بھی خاصی پذایرئی حاصل کر رکھی ہے۔
