راولپنڈی (این این آئی) پاک فوج کے سربراہ جنرل قمر جاوید باجوہ نے ہاکی کے عظیم کھلاڑی عبدالرشید جونیر کے انتقال پر اظہار تعزیت کرتے ہوئے کہاہے کہ عبدالرشید جونیئرکے انتقال سے ملک عظیم کھلاڑی سے محروم ہو گیا۔ اپنے بیان میں آرمی چیف نے کہاکہ اللہ پاک مرحوم کے درجات بلند فرمائے اور لواحقین کو صبر جمیل عطا فرمائے، آمین ثم آمین۔یاد رہے کہ عبدالرشید جونیر نے 1971 کے ورلڈ کپ میں بھی پاکستان کی نمائندگی کی،رشید جونئیر نے 1968، 1972 اور 1976, کے اولمپک گیمز میں شرکت کی،رشید جونئیر 4 بار کے اولمپئین بریگیڈئرعبدالحمید حمیدی کا بھائی تھے،انٹرنیشنل ہاکی سے ریٹائر منٹ کے وقت مرحوم 96 گولز کے ساتھ پاکستان کے ٹاپ اسکورر تھے،۔
