اسلام آباد (این این آئی)ڈینش سفیر نے وزیرِ توانائی عمر ایوب سے ملاقات کی جس میں توانائی کے شعبہ پر تبادلہ خیال کیا گیا۔ جمعہ کو ہونے والی ملاقات میں عمر ایوب نے کہاکہ پاکستان کے توانائی کے شعبے میں سرمایہ کاری کے وسیع مواقع موجود ہیں، ہمارا مقصد ملک میں مقامی وسائل سے انرجی کی شرح پیداوار بڑھانا ہے۔ عمر ایوب نے کہاہک 2025 تک قابل تجدید انرجی کا حصہ 20 فیصد ہو جائے گا۔ انہوںنے کہاکہ قابل تجدید توانائی کے منصوبوں کی تکمیل مسابقتی بولی کے ذریعے کی جائیگی۔ عمر ایوب نے کہاکہ توانائی میں سرمایہ کاری کو فروغ دینے کیلئے شفافیت کو یقینی بنایا جائے گا، توانائی مارکیٹ کو وسیع اور مسابقتی بنایا جا رہا ہے۔ڈینش سفیر نے کہاکہ ڈنمارک پاکستان کی قابل تجدید توانائی کے شعبے میں تعاون کو فروغ دینے کا خواہشمند ہے،پاکستان کی نئی قابل تجدید پالیسی قابل ستائش ہے۔
