کراچی (این این آئی)سینیئر اداکار ہمایوں سعید نے آنے والے پاکستانی و ترکی کے مشترکہ ڈرامے ‘صلاح الدین ایوبی’ کے حوالے سے مداحوں کو اپڈیٹ دیتیہوئے بتایا ہے کہ مذکورہ سیریز کو جلد نشر کردیا جائے گا۔ہمایوں سعید نے ‘صلاح الدین ایوبی’ کے پروڈیوسرز ڈاکٹر کاشف انصاری اور سید جنید علی شاہ کی جانب سے ترکی میں ڈرامے کے سیٹ کی تیاریوں کو دیکھنے کی ویڈیو شیئر کرتے ہوئے مداحوں کو بتایا کہ ڈرامے کی تیاریاں تیزی سے جاری ہیں۔ان کی جانب سے شئیر کردہ ویڈیو میں پروڈیوسرز نے ترکی کے جنگلات اور پہاڑوں کے خوبصورت مقامات پر زیر تعمیر ڈرامے کے سیٹ دکھائے اور بتایا کہ ڈراما سیٹ کی مرمت کا کام تیزی سے جاری ہے اور ان سیٹ کی تعمیر کے بعد ہی شوٹنگ شروع کی جائے گی۔شیئر کی گئی ویڈیو میں مختلف مقامات پر لوگوں کو مختلف طرح کے ڈراما سیٹ تیار کرتے ہوئے دیکھا جا سکتا ہے۔مذکورہ ویڈیو کو شیئر کرتے ہوئے ہمایوں سعید نے بتایا کہ ‘صلاح الدین ایوبی’ کی شوٹنگ کے لیے سیٹ کی تیاریوں کا کام تیزی سے جاری ہے، جس کے بعد سیریز کی شوٹنگ شروع کردی جائے گی۔انہوں نے مداحوں کو خوشخبری سنائی کہ جلد ہی ‘صلاح الدین ایوبی’ کو نشر کردیا جائے گا،
