اسلام آباد (این این آئی)وفاقی وزیر برائے ماحولیاتی تبدیلی شیری رحمان نے بھارت میں مسلمان مظاہرین پر ریاستی بربریت کی مذمت کرتے ہوئے کہاہے کہ نبی کریم ۖ کی شان میں گستاخی کے خلاف مظاہرہ کرنے والے بھارتی مسلمانوں کو جیل میں ڈالا جا رہا ہے ،بھارت میں مسلمانوں کو نشانا بنانے کے واقعات پر عالمی ممالک کے کان پر جوں تک نہیں رینگتی۔ اپنے بیان میں وفاقی وزیر شیری رحمن نے کہاکہ مودی حکومت مظاہرے کرنے پر مسلمانوں کے گھر مسمار کر رہی ہے۔ وفاقی وزیر نے کہاکہ نبی کریم ۖ کی شان میں گستاخی کے خلاف مظاہرہ کرنے والوں پر ریاستی تشدد میں دو مظاہرین جاں بحق ہو گئے۔شیری رحمان نے کہاکہ سینکڑوں مسلمان مظاہرین کو گرفتار کر کے مقدمے درج کئے گئے ہیں۔ انہوںنے کہاکہ بھارت میں مسلمانوں کو نشانا بنانے کے واقعات پر عالمی ممالک کے کان پر جوں تک نہیں رینگتی۔ انہوںنے کہاکہ کیا تہذیب یافتہ، آزادیوں اور حقوق کے تحفظ کرنے کے دعویداروں کو نظر نہیں آ رہا بھارت میں مسلمانوں کے ساتھ کیا ہو رہا ہے؟ ،او آئی سی، اقوام متحدہ اور تمام انسانی حقوق کی تنظیموں کو مودی کی فاشسٹ حکومت کو لگام دینا ہوگا
