ریاض (این این آئی)سعودی عرب کی فوڈ اینڈ ڈرگ اتھارٹی نے جدہ کے شاہ عبدالعزیز بین الاقوامی ہوائی اڈے اور مدینہ منورہ کے شہزادہ محمد بن عبدالعزیز ہوائی اڈے پر آگاہی کے دو ونگز تیار کیے ہیں، تاکہ عازمین حج کو کھانے پینے کی اشیا کے بارے میں آگاہی فراہم کی جا سکے اور حج کے موقعے پران کی صحت کی حفاظت کو یقینی بنانے میں ان کی مدد کی جا سکے۔میڈیارپورٹس کے مطابق فوڈ اتھارٹی نے عازمین حج کو معلومات اورعلمی مشورے فراہم کرنے کے لیے 12 زبانوں میں رہ نمائی کی سہولت فراہم کی ہے۔ عازمین حج کوعربی کے علاوہ انگریزی، فرانسیسی، اردو، ہندی، بنگالی، مالے (ملائی) ، بہاسا (نڈونیشیائی) اورترکیہ ساتھ ساتھ اس سال پہلی بار تین نئی زبانوں اسپانوی، روسی اور چینی میں بھی رہ نمائی فراہم کی جائے گی۔فوڈ اینڈ ڈرگزاتھارٹی نے اپنے ونگز میں طباعت شدہ، بصری اور آڈیو رہ نمائی کا مواد فراہم کیا جن میں حج کے دوران کھانے پینے، ادویات، آلات اور طبی مصنوعات کے شعبوں میں بیداری کے پیغامات فراہم کیے گیے ہی۔ ان کا مقصد حجاج کرام کو تعلیم دینا ہے تاکہ حج کے دوران عازمین کو مناسک خوراک اور ادوایات کی فراہمی سے ان کی صحت کی ضمانت دی جا سکے۔سعودی عرب کی فوڈ اینڈ ڈرگز اتتھارٹی کی جانب سے حج کیموقعے پر عازمین کی کھانے پینے کی مصنوعات کے بارے میں رہ نمائی کے لیے باقاعدہ ورکشاپش کا بھی اہتمام کیاجاتا ہے۔
