کرونا سے مزید ایک مریض چل بسا ، 805افرا دمیں نئے کیسز رپورٹ

اسلام آباد (این این آئی)پاکستان میں گزشتہ 24 گھنٹوں کے دوران کورونا کیسزکی شرح 4 اعشاریہ 69 فیصد ریکارڈ کی گئی، مزید ایک مریض چل بسا ،ملک کورونا مریضوں کے حوالے سے مرتب کی گئی فہرست میں 50 ویں نمبر پر ہے، گزشتہ 24 گھنٹوں کے دوران کورونا کا ایک مریض فوت ہو گیا۔پاکستان میں گزشتہ 24 گھنٹوں کے دوران مزید 805 افراد میں کورونا وائرس کی تصدیق ہوئی ہے۔پاکستان میں گزشتہ 24 گھنٹوں کے دوران کورونا کیسز کی شرح 4 اعشاریہ 69 فیصد ریکارڈ ہوئی ہے،ملک بھر میں اب تک 30 ہزار 404 کورونا وائرس کے مریض انتقال کر چکے ہیں جبکہ اس کے کْل مریضوں کی تعداد 15 لاکھ 40 ہزار 80 ہو چکی ہے،کورونا وائرس کے زیرِ علاج مریضوں میں سے 168 کی حالت تشویش ناک ہے،گزشتہ 24 گھنٹوں میں ملک میں کورونا وائرس کے مزید 17 ہزار 150 ٹیسٹ کیے گئے، جبکہ اب تک کْل 2 کروڑ 90 لاکھ 96 ہزار 468 کورونا ٹیسٹ کیے جا چکے ہیں۔دوسری جانب گزشتہ 24 گھنٹوں کے دوران ملک بھر میں ایبٹ آباد میں کورونا وائرس کے مثبت کیسز کی شرح سب سے زیادہ 17 اعشاریہ 46 فیصد ریکارڈ کی گئی۔اس دوران کورونا وائرس کے مثبت کیسز کی شرح ملک کے سب سے بڑے شہر کراچی میں 10 اعشاریہ 62 فیصد، مظفر آباد میں 6 اعشاریہ 45 فیصد، پشاور میں 3 اعشاریہ 32 فیصد، لاہور میں 3 اعشاریہ 19 فیصد ریکارڈ ہوئی ہے۔مثبت کورونا کیسز کی شرح وفاقی دارالحکومت اسلام آباد میں 2 اعشاریہ 78 فیصد، گلگت میں 2 اعشاریہ 52 فیصد اور بہاولپور میں 1 اعشاریہ 16 فیصد ریکارڈ کی گئی ہے۔