کراچی (این این آئی)پاکستان کرکٹ ٹیم کے سابق کپتان یونس خان کا کہنا ہے کہ جے شاہ کے چیئرمین انٹرنیشنل کرکٹ کونسل ( آئی سی سی ) بننے کا فائدہ کرکٹ کو ہونا چاہیے۔کراچی میں میڈیا سے گفتگو کرتے ہوئے سابق کپتان یونس خان کا کہنا تھا کہ کھلاڑی اپنے آپ سے نکلیں اور ملک کے لئے کھیلیں ہوم گراؤنڈ کا دباؤ ہمیشہ ہی ہوتا ہے ، کھلاڑی دباؤ برداشت نہیں کرسکتے تو پھر ان کا کیا فائدہ ہے، ہمارے کھلاڑی گرتے ہیں تو گرتے ہی چلے جاتے ہیں ، کھلاڑیوں کو اپنے مورال کو بلند کرنے کی ضرورت ہے۔سابق کپتان کا کہنا تھا کہ ہم نے اس وقت کامیابیاں حاصل کیں جب ملک میں انٹرنیشنل کرکٹ نہیں ہوتی تھی ، اس دوران ہم نے ورلڈ ٹی 20 ورلڈ کپ جیتا اور ٹیسٹ چیمپئن بنے۔یونس خان کا کہنا تھا کہ دس سال کے دوران ڈومیسٹک اسٹرکچر میں تبدیلی ہماری تباہی کی ذمہ دار ہے ، مجھے نہیں معلوم چیئرمین پی سی بی نے ڈومیسٹک میں ٹیلنٹ نہ ہونے کی بات کیوں کی ، ہمارے پاس اسٹار کھلاڑی اور ڈومیسٹک میں بے پناہ ٹیلنٹ ہے، کلب کرکٹ ہی اسٹریکچر کو مضبوط کرتا ہے۔انہوں نے کہا کہ جے شاہ کے چیئرمین آئی سی سی بننے کا فائدہ کرکٹ کو ہونا چاہیے اور انہیں اسپورٹس مین اسپرٹ کا مظاہرہ کرنا چاہیے۔ان کا مزید کہنا تھا کہ چیئرمین آئی سی سی کے اچھے اقدامات سے بھارت پاکستان آسکتا ہے اور اسی طرح پاکستان بھی بھارت کا دورہ کرسکتا ہے۔
مقبول خبریں
وزیراعظم کا صدر آصف زرداری سے ٹیلیفونک رابطہ، خیریت دریافت کی
اسلام آباد(این این آئی)وزیراعظم شہباز شریف نے صدر مملکت آصف علی زرداری سے ٹیلی فونک رابطہ کر کے خیریت دریافت کی ہے۔ جاری بیان...
وزیراعظم کا شہید ذوالفقارعلی بھٹو کو خراج عقیدت
اسلام آباد(این این آئی)وزیراعظم محمد شہباز شریف نے شہید ذوالفقار علی بھٹو کو ان کی 46 ویں برسی پر خراج عقیدت پیش کرتے ہوئے...
چیئرمین سینیٹ کا ذوالفقار علی بھٹو کی برسی پر خراجِ عقیدت
اسلام آباد(این این آئی)چیئرمین سینیٹ سید یوسف رضا گیلانی نے پاکستان کے عظیم عوامی رہنما، بانی جمہوریت اور عوام کے حقوق کے محافظ شہید...
وزیراعظم کی رمضان ریلیف پیکیج ماڈل کو دیگر سرکاری سکیموں میں اپنانے کی ہدایت
اسلام آباد(این این آئی)وزیراعظم شہباز شریف نے رمضان ریلیف پیکیج کیلئے استعمال ہونیوالے ادائیگی کے طریقہ کار کو دیگر سرکاری سکیموں میں بھی اختیار...
ٹک ٹاک پر معاہدے کے بہت قریب ہیں، ڈونلڈ ٹرمپ
واشنگٹن (این این آئی )امریکا کے صدر ڈونلڈ ٹرمپ نے کہا ہے کہ ٹک ٹاک پر معاہدے کے بہت قریب ہیں۔میڈیارپورٹس کے مطابق امریکی...