فلم ‘صنم تیری قسم’ کا سیکوئل ماورا حسین کے بغیر بننے کو تیار

کراچی(این این آئی)پاکستانی معروف و خوبرو اداکارہ ماورا حسین اور بھارتی اداکار ہرش وردھن رانے کی دم دار اداکاری و کیمسٹری کے سبب سْپر ہٹ ہونے والی فلم ‘صنم تیری قسم’ کے پرستاروں کا انتظار بلآخر جلد ختم ہونے والا ہے۔بھارتی میڈیا کے مطابق بالی ووڈ فلم ‘صنم تیری قسم’ کا سیکوئل ‘جانم تیری قسم’ بنانے کی تیاری شروع کر دی گئی ہیں۔تاہم اداکارہ ماورا حسین اور اداکار ہرش وردھن رانے کو ایک بار پھر ایک ساتھ دیکھنے کے خواہش مند پرستاروں کے لیے بْری خبر یہ ہے کہ فلم کے سیکوئل کے مرکزی کرداروں کے لیے نئے چہروں کی تلاش شروع کر دی گئی ہے۔واضح رہے کہ 2016ء میں ریلیز ہونے والی فلم ‘صنم تیری قسم’ اداکار کمل ہاسن اور اداکارہ رینا رائے کی 1982ء میں ریلیز ہونے والی فلم ‘صنم تیری قسم’ کا ری میک تھی، اس فلم کی شوٹنگ کیپ ٹاؤن، جنوبی افریقا میں کی گئی تھی۔اس فلم میں ماورا نے ایک ایسی لڑکی کا کردار ادا کیا تھا جو سادہ اور پڑھاکو تو ہے لیکن پیار اور محبت کے معاملے میں اس کی قسمت اچھی نہیں۔ فلم میں دکھایا گیا کہ ماورا کی زندگی میں اس وقت تبدیلی آئی جب ان کی زندگی میں اندر نام کا ایک لڑکا آتا ہے جس کا کردار اداکار ہرش وردھن رانے نے ادا کیا تھا۔فلم ‘صنم تیری قسم’ میں اداکارہ ماورا حسین کی جاندار اداکاری کے باعث انہیں آج بھی اس فلم کے باعث پہچانا جاتا ہے جبکہ بھارت سے باہر بسنے والے کئی بالی ووڈ پرستار یہ سمجھتے ہیں کہ ماورا حسین شاید بھارتی اداکارہ ہیں۔یہی وجہ ہے کہ فلم کے سیکوئل کا بے تابی سے انتظار کرنے والے مداحوں کو یہ جان کر مایوسی ہوئی ہے کہ سیکوئل میں مرکزی اداکار نہیں ہوں گے۔بھارتی میڈیا کی رپورٹس ‘جانم تیری قسم’ کی ہدایت کاری رادھیکا راؤ اور ونے سپرو کریں گے۔اس فلم کی کہانی فلم ”عاشقی 2” کی طرح موسیقی کے گرد گھومے گی۔فلم سازوں کو سیکوئل کے لیے ایک ایسی ہیروئن کی تلاش ہے جس کی آواز متاثر کْن ہو، جو گانا گانے کی صلاحیت رکھتی ہو اور جس کی عمر 18 سے 20 سال کے درمیان ہو۔