اسلام آباد (این این آئی)دنیا کی دوسری بلند ترین چوٹی کے ٹو کو سر کرنے کی کوشش کے دوران لاپتا ہونے والے 2 کینیڈین اور آسٹریلوی کوہ پیماؤں کی لاشیں کے ٹو’کیمپ ون، کیمپ 2 کے درمیان ایک مقام پر پائی گئیں ۔میڈیا رپورٹ کے مطابق بیس کیمپ کے ذرائع کے مطابق آسٹریلوی کوہ پیما میتھیو ایکن اور کینیڈین کوہ پیما رچرڈ کارٹیئر 19 جولائی کو کیمپ 1 اور کیمپ 2 کے درمیان کیٹو پیش آئے2 علیحدہ علیحدہ حادثات کا شکار ہوکر لاپتا ہو گئے تھے۔61 سالہ کینیڈین کوہ پیما رچرڈ کارٹیئر 19 جولائی کو کیمپ 3 سے بیس کیمپ کی جانب آتے ہوئے لاپتا ہو گئے تھے۔رچرڈ کارٹیئر پیشہ ور کوہ پیما تھے اور وہ مختلف ماحول سے اپنے جسم کو ہم آہنگ کرنے اور جسم میں نئے موسمی حالات کے مطابق قوت مطابقت پیدا کرنے کے لیے کیٹو کیمپ 3 گئے تھے۔لاپتا کوہ پیما کی تلاش کے لیے گراؤنڈ سرچ آپریشن کیا گیا تھا لیکن اس دوران وہ نہیں ملے تھے۔گزشتہ روز ڈرون کیمروں کی مدد سے لاپتا کینیڈین کوہ پیما کی لاش کیمپ 1 کے قریب پائی گئی، رچرڈ کارٹیئر پہاڑ سے گرے اور ان کی لاش ایک چٹان پر پائی گئی۔آسٹریلوی کوہ پیما میتھیو ایکن بھی 22 جولائی کو کیمپ 3 سے بیس کیمپ کی جانب واپس اترتے ہوئے ایک علیحدہ حادثے کے دوران لاپتا ہو گئے تھے۔بیس کیمپ کے ذرائع نے تصدیق کی کہ آسٹریلوی کوہ پیما کی لاش ایڈوانس بیس کیمپ کے قریب دیکھی گئی۔ذرائع کا کہنا تھا کہ آسٹریلوی کوہ پیما میتھیو ایکن کیمپ 3 سے بیس کیمپ کی جانب واپس اترتے ہوئے چٹانوں پر گرا۔دونوں کوہ پیماؤں کی ملنے والی لاشیں مکمل طور سالم، قابل شناخت حالت میں برف میں جمی ہوئی تھیں۔حادثے کا شکار ہو کر مرنے والے دونوں مہم جو غیرملکیوں کو تجربہ کار کوہ پیما سمجھا جاتا تھا۔آسٹریلوی کوہ پیما راب نورمن نے سماجی رابطے کی ویب سائٹ پر اپنے ایک پیغام میں میتھیو ایکن کی موت پر گہرے دکھ اور افسوس کا اظہار کیا۔اپنے پیغام میں راب نورمن نے میتھیو ایکن کو خراج عقیدت پیش کرتے ہوئے ان کے اہل خانہ سے تعزیت بھی کی۔
مقبول خبریں
اگلے چند روز میں سعودی عرب کا اعلیٰ اختیاراتی وفد پاکستان آ رہا ہے،عطاء...
اسلام آباد (این این آئی) وفاقی وزیراطلاعات ونشریات عطاء اللہ تارڑ نے کہا ہے کہ اگلے چند روز میں سعودی عرب کا اعلیٰ...
وزیراعظم شہباز شریف کامتحدہ عرب امارات کے شاہی خاندان کے رکن شیخ طحنون بن...
اسلام آباد(این این آئی)وزیراعظم شہباز شریف نے متحدہ عرب امارات کے شاہی خاندان کیرکن اور ممتاز کاروباری شخصیت شیخ طحنون بن محمد النہیان...
امریکا کو پاکستان کی جانب سے اڈے دینے کے قیاس آرائیوں میں کوئی صداقت...
اسلام آباد (این این آئی)ترجمان دفتر خارجہ نے کہا ہے کہ امریکا کو پاکستان کی جانب سے اڈے دینے کے قیاس آرائیوں میں کوئی...
اپنی آئینی حدود کو بخوبی جانتے، دوسروں سے بھی پاسداری مقدم رکھنے کی توقع...
راولپنڈی (این این آئی)آرمی چیف جنرل سید عاصم منیر نے کہا ہے کہ ہم اپنی آئینی حدود کو بخوبی جانتے ہیں اور دوسروں سے...
امریکی ڈیموکریٹس کا رفح حملہ روکنے کیلئے بائیڈن کو کھلا خط
واشنگٹن (این این آئی)غزہ کے شہر رفح میں اسرائیلی حملے روکنے کے لیے 57 امریکی ڈیموکریٹس نے ایک کھلے خط پر دستخط کرتے ہوئے...