اسلام آباد(این این آئی)رہنما پیپلزپارٹی راجہ پرویز اشرف نے کہا ہے کہ آئینی اصلاحات ملکی مفاد میں ہیں ہونی چاہئے،ملک کو ہم آہنگی کی ضرورت ہے،یہاں ایک بڑی عالمی کانفرنس ہونے جا رہی ہے کوئی ڈرامہ نہیں ہونا چاہئے۔بدھ کو یہاںراجہ پرویز اشرف نے نیوز کانفرنس کرتے ہوئے کہا کہ ملک میں سیاسی استحکام ہو گا تو معاشی استحکام ہو گا، بلاول بھٹو اگر آئینی ترمیم کی بات کرتے ہیں ان کا ذاتی مفاد کیا ہے، اگر کسی کے پاس کوئی مشورہ ہے تو بلاو ل بھٹو کو دیں وہ لینا چاہتے ہیں۔انہوں نے کہاکہ اللہ کرے بلاول بھٹو اس مشن میں کامیاب ہوں، ترمیم کا مسودہ بل جس صورت میں آئے گا وہ کمیٹی میں بھی جائے گا، آئینی اصلاحات ملکی مفاد میں ہیں ہونی چاہیے۔رہنما پیپلزپارٹی نے کہا کہ اگر جلسہ بھی کرنا ہے تو اس کا بھی طریقہ ہوتا ہے، کسی صوبے پر چڑھائی کرنا کیسے درست ہے، اسلام آباد میں ایک بڑی عالمی کانفرنس ہونے جا رہی ہے وہاں کوئی ڈرامہ نہیں ہونا چاہیے۔راجہ پرویز اشرف نے کہا کہ اس ملک کو ہم آہنگی کی ضرورت ہے، مل بیٹھ کر مسائل حل کرنے کی ضرورت ہے، ہم بلاول بھٹو کو خراج تحسین پیش کرتے ہیں، وہ سیاست سے بالاتر ہو کر بات کرتے ہیں، ہم پیپلزپارٹی کی تنظیم نو کر رہے ہیں۔
رہنما پیپلزپارٹی راجہ پرویز اشرف نے کہا ہے کہ آئینی اصلاحات ملکی مفاد میں ہیں){kind=link}