ممبئی (این این آئی)بالی ووڈ کی خوبرو اداکارہ کرینہ کپور نیکہا ہے کہ بھارتی فلمی صنعت میں خود کی تشکیل نو کرنا اور اْسے برقرار رکھنا مشکل کام ہے۔بھارتی میڈیا رپورٹس کے مطابق کرینہ کپور نے بالی ووڈ کو مردوں کی بالادستی رکھنے والی صنعت قرار دیا اور کہا کہ اس شعبے میں خود کو نئے سرے سے بنانا اور اسے برقرار رکھنا مشکل کام ہے۔44 سالہ کرینہ کپور کے بالی ووڈ میں 25 سال مکمل ہوگئے ہیں، انہوں نے ابھیشیک بچن کے مقابل فلم رفیوجی سے ڈیبیو کیا تھا، وہ جلد ہی روہت شیٹی کی ‘سنگھم اگین ‘میں نظر آئیں گی، جو یکم نومبر کو ریلیز کی جائے گی۔ایک انٹرویو میں کرینہ کپور نے مردوں کی بالادستی کی حامل صنعت میں خاتون اداکار کو درپیش چیلنجز کا تذکرہ کیا اور کہا کہ بالی ووڈ میں خود کی تشکیل نو کرنا اور اْسے برقرار رکھنا مشکل ہے۔اداکارہ نے مزید کہا کہ جب آپ 17 یا 18 سال کے ہوتے ہیں تو ہر کوئی چاہتا ہے کہ آپ فلم میں ہوں، اگر آپ نے اس حالت میں 10 سال گزار لیے ہیں تو آپ کو اپنی تشکیل نو کرنی چاہیے جو مردانہ غلبے کی حامل اس صنعت میں انتہائی خوفناک عمل ہے۔ان کا کہنا تھا کہ اس دورانیے میں میرے ساتھ دیگر اداکارائیں بھی ہیں، جنہوں نے بڑی کامیابیاں حاصل کیں، میں ہر 5 سال بعد خود سے پوچھتی ہوں کہ اب کیا نیا کیا جاسکتا ہے؟کرینہ کپور نے کہا کہ یہ صرف کامیاب فلموں کیلیے نہیں ہے بلکہ آنے والوں کیلیے اپنی میراث چھوڑنا ہے، میں ایسے خاندان سے ہوں، جہاں سب ہی شاندار اداکار ہیں، یہی چیلنج مجھے درپیش ہے تاکہ میری شناخت کہیں چھوٹ نہ جائے۔انہوں نے کہا کہ اس فلم انڈسٹری میں ہر 10 سال بعد کوئی نہ کوئی نیا آجاتا ہے، ایسے میں اپنی جگہ برقرار رکھنا مشکل ہوتا ہے، اس لیے میں مختلف نوعیت کی فلموں کا انتخاب کرنا پسند کرتی ہوں۔
مقبول خبریں
پاکستان میں سرمایہ کاری بڑھانے کے لیے پرعزم ہیں’سعودی وزیرسرمایہ کاری خالد بن عبدالعزیز
اسلام آباد(این این آئی)سعودی وزیر سرمایہ کاری خالد بن عبدالعزیز الفاح نے اسلام آباد میں منعقد پاک سعودی بزنس فورم سے خطاب میں اس...
ہم اس وقت معاشی محاذ پر بہترین پوزیشن میں آگئے ہیں، وزیر خزانہ
اسلام آباد(این این آئی) وزیر خزانہ محمد اورنگزیب کا کہنا ہے کہ ہم اس وقت معاشی محاذ پر بہترین پوزیشن میں آگئے ہیں اور...
صدرآصف علی زرداری سے سعودی سرمایہ کاری وفد کی ملاقات
اسلام آباد(این این آئی)صدرِ مملکت آصف علی زرداری سے سعودی وزیر سرمایہ کاری خالد بن عبدالعزیز الفالح کی قیادت میں وفد نے ملاقات کی۔اس...
آرمی چیف جنرل عاصم منیر سے سعودی وزیرِ سرمایہ کاری کے وفدکی ملاقات
اسلام آباد(این این آئی)آرمی چیف جنرل عاصم منیر سے سعودی عرب کے وزیر سرمایہ کاری خالد بن عبدالعزیز الفالح نے وفد کے ہمراہ ملاقات...
سعودی وزیر خارجہ کی ایرانی ہم منصب سے ملاقات، خطے کی صورت حال پر...
ریاض(این این آئی)سعودی عرب کے وزیر خارجہ شہزادہ فیصل بن فرحان نے ریاض کے دورے پر آنے والے اپنے ایرانی ہم منصب عباس عراقچی...