لاہور( این این آئی)خوبرو اداکارہ و میزبان فضا ء علی نے کہا ہے کہ میں اپنی فٹنس پر بھرپور توجہ دیتی ہوں اور اس کیلئے وہ قدرتی مصنوعات جس میں فائدے ہیں استعمال کرتی ہوں،شہد ،زیتون اور کھجورکھانا میرے معمول میں شامل ہے ۔ایک انٹر ویو میں اداکارہ نے کہا کہ ایسا نہیں کہ میں بالکل بھی نہیں کھاتی بلکہ بڑی اعتدال پسند ہوں ،دوپہر اور رات کے کھانے سلاد لازمی استعمال کرتی ہوں ۔انہوں نے کہاکہ اگر میں دو لفظوں میں بات کروں تو میں اپنی فٹنس پر بھرپور توجہ دیتی ہوں کیونکہ اس سے انصاف صرف خوبصورت نظر نہیںآتابلکہ آپ کی صحت بھی ٹھیک رہتی ہے ۔ انہوں نے کہا کہ مجھ سے جب بھی میری فٹنس کا راز پوچھا جاتا ہے تو میں یہی بتاتی ہوں کہ یہ آپ کے اپنے اندر موجود ہے کہ آپ خود کو کس طرح فٹ رکھنا چاہتے ہیں ۔فضا ء علی نے کہا کہ فلم میں کام کرنے کا تجربہ اتنا اچھا نہیں رہا تاہم اگر کبھی اچھا پراجیکٹ ملا تو پھر سوچ بچار کروں گی لیکن اس کے لئے مشاورت سے ہی کوئی قدم اٹھائوں گی۔
