کراچی (این این آئی)معروف اداکار ہمایوں سعید نے کہا ہے کہ اچھی اداکاری بہت مشکل کام ہے، ڈرامے کا اپنا انداز ہوتا ہے جو فلم سے بالکل مختلف ہے۔کراچی میں 17ویں عالمی اردو کانفرنس کے دوسرے دن ‘میں ہوں کراچی’ کے عنوان سے منعقدہ سیشن میں ہمایوں سعید اور عاصم اظہر نے شرکت کی۔ہمایوں سعید کا کہنا تھا کہ میں فلم میں کام کرنے کیلیے اس فیلڈ میں آیا تھا، جب آیا اْس وقت فلم انڈسٹری نیچے جاچکی تھی۔انہوں نے کہا کہ اس وقت سنیما ہالز کی حالت اتنی اچھی نہیں تھی، جب حالات کچھ بہتر ہوئے تو میں نے اپنی پہلی فلم بنائی۔معروف اداکار نے مزید کہا کہ اچھی اداکاری بہت مشکل کام ہے، ایکٹنگ میں جتنی کم ایکٹنگ کی جائیاتنا اچھا ہے۔دوران سیشن عاصم اظہر نے کہا کہ اردو کانفرنس کی یہ خوبصورتی ہے لوگ آپ کو سنتے ہیں ادب والے لوگ ہیں، ہمایوں سعید جیسے بڑے اداکار کے ساتھ بیٹھا ہوں جو اعزاز ہے۔
