ریاض (این این آئی)سعودی عرب کے ولی عہد شہزادہ محمد بن سلمان نے العلا کے سرمائی کیمپ میں عراق کے وزیر اعظم اور مسلح افواج کے کمانڈر انچیف سے ملاقات کی۔غیرملکی خبررساں ادارے کے مطابق ملاقات کے دوران دونوں ممالک کے درمیان تعلقات کے پہلوئوں اور انہیں مضبوط بنانے کے طریقوں کا جائزہ لیا گیا۔ علاقائی حالات میں ہونے والی پیش رفت اور سلامتی اور استحکام کے حصول کے لیے کی جانے والی کوششوں پر بھی بات چیت کی گئی۔اجلاس میں مدینہ ریجن کے گورنر ہز عزت ماب شہزادہ سلمان بن سلطان بن عبدالعزیز اور وزیر مملکت، وزرا کونسل کے رکن اور قومی سلامتی کے مشیر ڈاکٹر موسی بن محمد العیبان نے شرکت کی۔ اس موقع پر عراق کی طرف سے انٹیلی جنس سروس کے انڈر سیکرٹری جناب وقاص محمد حسین موجود تھے۔
