کراچی (این این آئی)گزشتہ دنوں اداکار فیروز خان اور اْن کی دوسری اہلیہ ڈاکٹر زینب کے درمیان علیحدگی سے متعلق خبریں اور سوشل میڈیا پر پوسٹس زیرِ گردش رہیں۔بعد ازاں اداکار فیروز خان اور ان کی بہن اداکارہ حمیمہ ملک نے ان افواہوں اور چہ مگوئیوں کی تردید بھی کی تھی۔جیو انٹرٹینمنٹ کے بلاک بسٹر ڈرامہ سیریل ‘خانی’ اور ‘خدا اور محبت’ کے اداکار فیروز خان نے کچھ گھنٹے قبل دوسری اہلیہ کے ساتھ رومانٹک تصویریں شیئر کی ہیں۔ان تصاویر میں اس خوبصورت نوجوان جوڑے کو ایک ساتھ خوش گوار موڈ اور ایک دوسرے کی محبت میں ڈوبا ہوا دیکھا جا سکتا ہے۔تصاویر دیکھ کر اندازہ لگایا جا سکتا ہے کہ فیروز خان اور اْن کی اہلیہ ایک دوسرے کے ساتھ مثبت اور مضبوط رشتے سے جڑے ہیں۔فیروز خان کی ان تصاویر پر تاحال لاکھوں لائیکس اور سیکڑوں تبصرے کیے جا چکے ہیں۔فیروز خان کے مداح اس پوسٹ کے کمنٹ باکس میں اس نو بیاہتا جوڑی کے لیے دعائیں جبکہ اداکار کے ناقدین ان پر تنقید کر رہے ہیں۔
