ریاض(این این آئی)سعودی عرب کی وزارت خارجہ نے غزہ کی پٹی میں قابض اسرائیلی فوج کی جانب سے ایک ہسپتال کو نذر آتش کرنے اور مریضوں اور طبی عملے کو وہاں سے نکلنے پر مجبور کرنے کی سخت ترین الفاظ میں مذمت کی ہے۔عرب ٹی وی کے مطابق وزارت خارجہ نے ایک بیان میں کہا کہ ہسپتال پر حملہ اور اسے نذر آتش کرنا بین الاقوامی قوانین کی صریح خلاف ورزی،بنیادی انسانی حقوق اور اخلاقی معیارات کی کھلی پامالی ہے۔
