لاہور(این این آئی)پاکستانی ٹک ٹاک جنت مرزانے کہاہے کہ جنگ کسی بھی مسئلے کا حل نہیں ہوتی یہ صرف تباہی اور بربادی لاتی ہے ،اپنے پیارے وطن پاکستان کیلئے ایک پرامن حل اور ایک روشن مستقبل کی امید کرتے ہیں،میرے لیے اپنے ملک کی سلامتی اور خوشحالی سے زیادہ اہم کچھ نہیں ہے۔تفصیلات کے مطابق پاک بھارت ممکنہ جنگ کی صورتحال کے حساس موضوع پر ہاتھ کے اشارے سے خاموشی اختیار کرنے کا اظہار کرنے والی ٹک ٹاکر نے مداحوں کیلئے وضاحت جاری کردی۔جاری بیان میں جنت مرزا نے کہاکہ میں اپنی چھٹیاں لندن میں گزارنے والی تھی لیکن بھارت اور پاکستان کے درمیان جنگ کے بڑھتے ہوئے خطرے کی وجہ سے میں نے اپنا سفر مختصر کرنے اور گھر واپس آنے کا فیصلہ کیا ہے۔ انہوںنے کہاکہ پاکستان کیلئے میری محبت بے حد ہے اور میرے لیے اپنے ملک کی سلامتی اور خوشحالی سے زیادہ اہم کچھ نہیں ہے۔جنت نے کہا کہ جنگ کسی بھی مسئلے کا حل نہیں ہوتی یہ صرف تباہی اور بربادی لاتی ہے اور میرا پختہ یقین ہے کہ مسائل کو پرامن مذاکرات اور میز پر بات چیت کے ذریعے حل کیا جانا چاہیے نہ کہ تشدد اور جارحیت کے ذریعے۔انہوںنے کہاکہ آئیے اپنے پیارے وطن پاکستان کیلئے ایک پرامن حل اور ایک روشن مستقبل کی امید کریں۔
