لندن(این این آئی) گلوکارہ آئمہ بیگ رپورٹر کے لہجے سے متعلق سوال پر خالص اردو بولنے کی کشمکش میں مبتلا ہوگئیں۔پاکستان کی معروف گلوکارہ آئمہ بیگ کی ایک ویڈیو سوشل میڈیا پر گردش کر رہی ہے جس میں گلوکارہ کو رپورٹر کے ان کے لہجے سے متعلق سوال پر اْلجھن کا شکار ہوا دیکھا جا سکتا ہے۔آئمہ بیگ کا انٹرویو لیتے ہوئے رپورٹر نے سوال کیا کہ آپ اپنے گانوں کے علاوہ عام گفتگو کے دوران ہمیشہ انگریزی ہی بولتی ہیں تو آپ کو اردو بولنی نہیں آتی یا آپ کا کوئی اور مسئلہ ہے؟آئمہ بیگ نے سوال کا جواب دیتے ہوئے کہا کہ ‘نہیں میری اردو بہت خالص ہے۔گلوکارہ نے بات کا آغاز کیا ہی تھا کہ وہ پھر سے انگریزی میں بات کرنے لگیں لیکن فوری احساس ہوا کہ انہیں یہ انٹرویو اردو میں دینا ہے۔ آئمہ بیگ نے کہا کہ’بات صرف اتنی ہے کہ جب آپ عام زندگی میں لوگوں سے بات کر رہے ہوتے ہو تو۔اتنی بات کرنے کے بعد آئمہ بیگ پھر سیانگریزی میں بات کرنے لگیں تو رپورٹر نے ان کی بات کاٹتے ہوئے کہا کہ آپ نے اردو میں بات کرنی ہے پھر آئمہ تھوڑا سا شرمندہ اور کنفیوڑ ہوگئیں اور پھر اردو میں انٹرویو دینے کی کوشش کرنے لگیں۔آئمہ بیگ نیکہا کہ انسان کی ویسی ہی عادت بن جاتی ہے جیسا کہ اس کے ارد گرد کا ماحول ہوتا ہے۔گلوکارہ کے اس جواب پر صحافی نے ایک اور سوال پوچھا کہ’آپ نے ٹی وی پر اردو میں کافی پروگرامز کیے لیکن جب سے آپ میوز ک کے شعبے سے وابستہ ہوئی ہیں آپ اردو بھولتی جارہی ہیں، مسئلہ کیا ہے؟’گلوکارہ نے اس سوال کے جواب میں کہا کہ’ایسی بات نہیں ہے، شروع سے ہی مجھے انگریزی آتی تھی۔یاد رہے کہ گزشتہ دنوں آئمہ بیگ نے لندن میں اپنا پہلا کنسرٹ کیا تھا جس میں انہوں نے امریکی گلوکارہ کا انگریزی گانا بھی گایا تھا، تاہم ناقدین کی جانب سے آئمہ کی اس کوشش کو تنقید کا نشانہ بنایا گیا تھا۔
مقبول خبریں
کوئی اور آپشن نہیں، اس حکومت کو کارکردگی دکھانا پڑے گی، رانا ثنااللہ
اسلام آباد(این این آئی)وزیر اعظم کے مشیر و مسلم لیگ (ن)کے سینئر رہنما رانا ثنا اللہ نے کہا ہے کہ اس حکومت کو کارکردگی...
پاکستان، امریکا کا علاقائی و عالمی سلامتی میں کردار ادا کرنے کے مشترکہ عزم...
واشنگٹن(این این آئی)پاکستان اور امریکا نے علاقائی اور عالمی سلامتی و استحکام میں کردار ادا کرنے کے مشترکہ عزم کا اعادہ کیا ہے۔میڈیار...
آزاد کشمیر میں مہنگی بجلی اور آٹے کے خلاف جاری ہڑتال ختم
مظفر آباد (این این آئی)آزاد کشمیر میں مہنگی بجلی اور آٹے کے خلاف شٹر ڈان اور پہیہ جام ہڑتال 5ویں روز ختم ہوگئی۔میڈیا رپورٹ...
عوامی گورنر ہوں، ہر سیاسی جماعت کے پاس خود جائوں گا، فیصل کریم کنڈی
ملتان (این این آئی)گورنر خیبر پختونخوا فیصل کریم کنڈی نے کہا ہے کہ میں ایک عوامی گورنر ہوں، ہر سیاسی جماعت کے رہنما...
نیب ترامیم کالعدم قرار دینے کیخلاف درخواست، عمران خان کو بذریعہ وڈیولنک پیش ہونے...
اسلام آباد(این این آئی)سپریم کورٹ نے قومی احتساب بیورو ترامیم کو کالعدم قرار دینے کے خلاف سماعت کے دوران سابق وزیر اعظم عمران خان...