اسلام آباد(این این آئی) امریکہ چین کو جنگ میں ملوث کر کے اپنے عروج کو واپس لینا چاہتا ہے، تائیوان کے سوال پر اس کا مؤقف ”اسٹریٹجک ابہام” کی خصوصیت رکھتا ہے اور چین طویل عرصے سے اس کے مقصد سے آگاہ ہے،سرحدی تنازعات کے حوالے سے امریکہ چینی سرزمین کو تائیوان کے ساتھ الجھانا چاہتا ہے اور جان بوجھ کر چین کو جنگ میں ملوث کرنے کی کوشش کرتا ہے تاہم چین بہت سمجھدار ملک ہے، یہ کسی جنگ میں شامل نہیں ہوگا۔گوادر پرو کے مطابق ا سیاسی تجزیہ کار اور جنوبی ایشیا، وسطی ایشیا، مشرق وسطیٰ، بحر ہند اور خلیج فارس کے سیکورٹی امور کے ماہر ڈاکٹر رشید احمد خان نے کہا ہے کہ ہم سب جانتے ہیں کہ نینسی پیلوسی تائیوان کا دورہ کرنے والی پہلی امریکی ایوان کی اسپیکر نہیں ہیں۔ ایوان کے اسپیکر اس سے قبل بھی تائیوان کا دورہ کر چکے ہیں تاہم نینسی پیلوسی کے دورے کو زیادہ اہمیت حاصل ہے کیونکہ یہ دورہ ایک ایسے وقت میں کیا گیا ہے جب چین اور امریکہ کے درمیان تعلقات کشیدہ اور کافی تناؤ کا شکار ہیں۔ گوادر پرو کے مطابق راشد نے کہا کہ تائیوان کے معاملے پر دونوں ممالک کے درمیان کافی عرصے سے کشیدگی چلی آ رہی ہے، اس کی وجہ یہ تھی کہ امریکہ نے تائیوان کو جدید ہتھیار فراہم کرنا شروع کر دئیے تھے۔ امریکہ 1949 سے تائیوان کو امداد دے رہا ہے تاہم اس موقع پر تائیوان کے لیے امریکہ کی امداد چین کیلئے تشویش کا باعث تھی، چین کیلئے کوئی بھی مداخلت کا قدم کسی بھی قیمت پر قابل قبول نہیں ہے۔ انہوںنے کہاکہ موجودہ صورتحال میں چین نے تائیوان کے ساتھ اپنے تعلقات کو گھٹا کر اس پر معاشی دباؤ ڈالا ہے،چین تائیوان پر کسی قیمت پر حملہ نہیں کرے گا۔ خود امریکی میڈیا نے پیلوسی کے دورے کو ایک غیر ضروری اشتعال انگیزی پر تنقید کا نشانہ بنایا ہے۔ امریکہ کو اس کا کوئی فائدہ نہیں ہوا۔ اس سے کچھ حاصل نہیں ہوا
