ممبئی(این این آئی) بالی وڈ کی نئی فلم ‘وکرم ویدھا’ کا ٹیزر جاری کردیا گیا جس میں بالی وڈ کے دو سپراسٹار ہریتھک روشن اور سیف علی خان ایکشن سے بھرپور مناظر کے ساتھ نظر آئیں گے۔ نئی ہندی فلم 2017 کی تامل فلم کا ری میک ہے، جو اسی نام سے بنائی گئی تھی۔فلم میں سیف علی خان ایک پولیس افسر جبکہ ہریتھک روشن ایک گینگسٹر کا کردار ادا کررہے ہیں۔’وکرم ویدھا’ میں دلچسپ موڑ اس وقت آتا ہے جب فلم کا ولن خود کو پولیس کے سامنے سرینڈر کردیتا ہے اور پھر اپنی انوکھی کہانی سنانا شروع کرتا ہے۔فلم کے شائقین اپنے سپراسٹارز کو ایکشن میں دیکھنے کیلئے بے تاب ہیں۔ 30 ستمبر کو ‘وکرم ویدھا’ کو نمائش کیلئے پیش کردیا جائے گا۔
