گلگت(این این آئی)مشیر برائے امور کشمیر و گلگت بلتستان قمر زمان کائرہ سے سابق وزیر اعلی گلگت بلتستان حافظ حفیظ الرحمان نے ملاقات کی جس میں امدادی رقم کو مستحقین تک شفاف طریقے سے تقسیم سے متعلق تبادلہ خیال کیا گیا ۔ ہفتہ کو ہونے والی ملاقات میں اپوزیشن لیڈر گلگت بلتستان اسمبلی امجد حسین ایڈووکیٹ نے بھی شرکت کی ۔سیلاب متاثرین کیلئے وزیر اعظم کی جانب سے پیکج کے اعلان کا خیر مقدم کیا گیا ۔ ملاقات میں امدادی رقم کو مستحقین تک شفاف طریقے سے تقسیم سے متعلق بھی گفتگو کی گئی ۔ مشیر وزیر اعظم نے کہاکہ تمام متاثرین کی بحالی تک چین سے نہیں بیٹھیں گے، مشکل کی اس گھڑی میں پاکستان عوام اپنے گلگت بلتستان کے بھائیوں کے ساتھ ہیں۔
