ممبئی(این این آئی)بالی ووڈ اداکارہ شہناز گل اور سپر سٹار سلمان خان کی ایک دوسرے سے گہری دوستی ہے۔دونوں اداکار پہلی بار بگ باس 13کے سیٹ پر ملے تھے، شو ختم ہوگیا لیکن ان کا گہرا رشتہ قائم ہے۔کینیڈا کے ایک ایف ایم سے بات کرتے ہوئے شہناز نے انکشاف کیا کہ انہوں نے سلمان خان سے زندگی کے بہت سے معاملات سیکھے ہیں۔شہناز گل نے کہا کہ سب سے اہم بات جو میں نے ان سے سیکھی وہ یہ ہے کہ ہمیں زندگی میں آگے بڑھتے رہنا چاہیے چاہے کچھ بھی ہوجائے۔انہوں نے کہا کہ سلمان خان نے مجھے بتایا کہ میں زندگی میں سخت محنت کرکے بہت آگے تک جاسکتی ہوں، وہ میری بہت حوصلہ افزائی کرتے ہیں۔شہناز نے کہا کہ جب آپ اکیلے رہتے ہیں اور آپ کا تعلق ایک چھوٹے شہر سے ہو، تو آپ آگے بڑھتے ہیں۔انہوں نے کہا کہ کسی بھی شخص کو آگے بڑھنے سے رکنا نہیں چاہیے۔انہوں نے کہا کہ میں اپنے ارد گرد موجود لوگوں سے سیکھتی ہوں، آگے بڑھتی ہوں۔
