لاہور (این این آئی ) معروف اداکارہ خوشبو نے کہا ہے کہ موجودہ مقام اپنی قابلیت اور صلاحیتوں سے حاصل کیا ، سفارش اور شارٹ کٹ کی ذاتی طور قائل نہیں ہوں ۔ انہوںنے کہاکہ میں اپنے جونیئرز کو بھی مشورہ دیتی ہوں کہ وہ شوبز میں محنت سے مقام حاصل کریں کیونکہ انسان شارٹ کٹ سے بہت جلدی آگے نکل جاتا ہے لیکن اسی رفتار سے واپس بھی آجاتا ہے اور محنت سے حاصل کی گئی شہرت صدا آپ کے پاس ایک خزانہ کی شکل میں موجود رہتی ہے ۔ خوشبو نے کہاکہ میں ہمیشہ صاف ستھرا اور معیاری کام کرتی ہوں تاکہ کسی کو مجھ سے کوئی شکایت نہ ہو اور میری نیک نامی بھی ہمیشہ قائم دائم رہ سکے ۔
