واشنگٹن (این این آئی)امریکی صدر جوبائیڈن نے نوجوان لڑکی کو ڈیٹنگ سے متعلق مشورہ دے دیا۔سوشل میڈیا پر وائرل ویڈیو میں دیکھا جا سکتا ہے کہ امریکی صدر نے کالج کے دورے پر سیلفی لیتی نوجوان طالبہ کا کاندھا پکڑا اور کہا کہ جب تک تم 30 سال کی نہیں ہوجاتیں کوئی بھی آپ سے شادی کے لیے سنجیدہ نہیں ہے۔نوجوان طالبہ پہلے تو امریکی صدر کے اس مشورے پر حیران ہوئی اور پھر مسکراتے ہوئے کہا کہ ٹھیک ہے میں یہ بات ذہن میں رکھوں گی۔ایک اور ویڈیو میں صدر جوبائیڈن نے کہا کہ میں نے اپنی بیٹیوں اور پوتیوں کو بھی کہا ہے کہ جب تک آپ 30 سال کے نہ ہوں آپ سے شادی کے لیے کوئی سنجیدہ نہیں ہوتا۔سوشل میڈیا پر صارفین نے صدر جوبائیڈن کا نوجوان طالبہ کا کندھا پکڑنے اور مشورہ دینے پر انہیں شدید تنقید کا نشانا بنایا۔کچھ صارفین نے لکھا کہ طالبہ کافی غیرمطمئن اور بے چین نظر آرہی ہے جبکہ کچھ نے امریکی صدر کی حمایت کرتے ہوئے لکھا کہ لڑکی بے چین یا تناو میں نہیں ہے اور امریکی صدر نے جو بات کی وہ ہر باپ اپنی بیٹی سے کرتا ہے۔
