اسلام آباد (این این آئی)وفاقی وزیر آبی وسائل سیّد خورشید شاہ نے کہا ہے کہ کراچی کیلئے واٹر سپلائی کے میگا پراجیکٹ کے فورپر تیزی سے عملدر آمد جاری ہے، 200ارب روپے کے اس منصوبے کی تکمیل سے پانی کی قلت کا مسئلہ ہمیشہ کیلئے حل ہو جائیگا۔ منگل کو وزارت آبی وسائل سے جاری بیان کے مطابق وزارت آبی وسائل میں ڈیمز اور کے فورکے حوالہ سے منعقدہ اجلاس میں وفاقی وزیر آبی وسائل نے کہا کہ کراچی کیلئے واٹر سپلائی کے میگا پراجیکٹ کے فورپر تیزی سے عملدر آمد جاری ہے، 200 ارب روپے کے اس منصوبے کی تکمیل سے پانی کی قلت کا مسئلہ ہمیشہ کیلئے حل ہو جائے گا۔انہوں نے کہا کہ پانی، توانائی اور زراعت کے شعبوں میں ترقی ہی ملکی ترقی کی ضامن ہے، دریائے سندھ کے پانی کے موثر استعمال سے معاشی استحکام حاصل کیا جا سکتا ہے۔ اس موقع پر وفاقی وزیر اقتصادی امور ایاز صادق، مشیر امور کشمیر و گلگت بلتستان قمر زمان کائرہ اور مہدی شاہ بھی موجود تھے۔
