کراچی (این این آئی)رواں ماہ 13 اکتوبر کو پاکستان سمیت دنیا بھر میں ریلیز ہونے والی پنجابی پاکستانی فلم ‘دی لیجنڈ آف مولا جٹ’ نے ایک دن کی کمائی میں بولی وڈ سپر اسٹارز اکشے کمار اور اجے دیوگن کی میگا بجٹ فلموں کو بھی پیچھے چھوڑ دیا۔پاکستانی فلم نے دونوں اداکاروں کی بھارتی فلموں کو امریکا اور برطانیہ کے باکس آفس پر پیچھے چھوڑا اور پاکستانی فلم نے ایک ہی دن میں کم سینما اسکرینز پر ریکارڈ کمائی کرکے نئی تاریخ رقم کردی۔شوبز ویب سائٹ ‘بولی وڈ ہنگامہ’ کے مطابق اجے دیوگن کی فلم ‘تھینک گاڈ’ اور اکشے کمار کی فلم ‘رام سیتو’ کو دیوالی کے موقع پر بھارت سمیت دنیا بھرمیں ریلیز کیا گیا، جنہوں نے پہلے ہی دن پاکستانی فلم کے مقابلے کم کمائی کی۔رپورٹ میں بتایا گیا کہ دونوں فلموں نے پاکستانی فلم کے مقابلے برطانیہ اور شمالی امریکا کے سینمائوں کم کم کمائی جب کہ بولی وڈ فلموں کو ‘مولا جٹ’ کے مقابلے زیادہ سینمائوں میں پیش کیا گیا تھا، اس باوجود دونون فلمیں پاکستانی فلم کی ایک دن کی کمائی کا ریکارڈ نہ توڑ پائیں۔رپورٹ کے مطابق ‘مولاجٹ’ نے برطانیہ سے 47 ہزار امریکی ڈالر کے قریب جب کہ دونوں بھارتی فلموں نے ایک ہی دن میں مجموعی طور پر 36 ہزار امریکی ڈالر کمائے۔اسی طرح شمالی امریکا میں بھی ایک ہی دن میں پاکستانی فلم نے 56 ہزار امریکی ڈالر سے زائد کی کمائی کی جب کہ وہاں اجے دیوگن کی فلم نے 40 ہزار اور اکشے کمار کی فلم نے 38 ہزار امریکی ڈالر بٹورے۔برطانیہ اور شمالی امریکا کی سینما مارکیٹس میں دونوں بھارتی فلمیں پاکستانی فلم کو ایک دن کی کمائی میں پیچھے نہ چھوڑ سکیں اور یہاں یہ بات بھی قابل ذکر ہے کہ پاکستانی فلم کو ریلیز کیے گئے دو ہفتے گزر چکے ہیں جب کہ بھارتی فلموں کو دو دن قبل ہی ریلیز کیا گیا تھا۔علاوہ ازیں دوسری جانب ‘دی لیجنڈ آف مولا جٹ’ کے آفیشل انسٹاگرام پیج پر بتایا گیا کہ پاکستانی فلم برطانیہ میں سب سے زیادہ کمائی کرنے والی پنجابی فلم بن گئی، اس سے قبل یہ اعزاز کسی بھارتی پنجابی فلم کے پاس تھا۔’دی لیجنڈ آف مولا جٹ’ نے اب تک سوا ارب روپے سے زائد کی کمائی کرلی ہے
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...