اسلام آباد (این این آئی)وفاقی وزیر صحت اور رہنما پیپلزپارٹی قادر پٹیل نے وزیر داخلہ رانا ثناء اللہ سے شکوہ کیا ہے کہ رانا ثناء اللہ عمران خان کو مچھ جیل کی بجائے سندھ بھیجیں۔اپنے بیان میں قادر پٹیل نے کہاکہ حیدرآباد کا گدو ہسپتال عمران خان کے مناسب جگہ ہوگی ۔ وفاقی وزیر قادر پٹیل نے کہاکہ گدو ہسپتال میں عمران جیسے بہت ہیں جو خود کو وزیراعظم سمجھتے ہیں۔ وفاقی وزیر نے کہاکہ گدو ہسپتال میں کیمرے نصب کیئے جائیں گے تاکہ عمران غلط الزام نہ لگائے ۔ وزیر صحت نے کہاکہ عمران خان گرفتاری کے خوف سے لاھور سے پنڈی اور پنڈی سے لاہور کیٹ واک کرتے رہیں گے۔ وزیر صحت نے کہاکہ رانا ثناء اللہ بے شک مراد سعید اور گنڈاپور کو مچھ جیل بھیج دیں ۔
