اسلام آباد (این این آئی)پاکستان تحریک انصاف کے رہنما اورمرکزی سیکرٹری انفارمیشن فرخ حبیب نے کہا ہے کہ امپورٹڈ حکومت نے پاکستان کے دارالحکومت اسلام آباد کو کنٹینروں کا شہر بنا دیا ہے۔پی ٹی آئی لانگ مارچ آمد کے موقع پر اسلام آباد پولیس کی جانب سے سیکیورٹی انتظامات کے لیے لگائے کنٹینر کی تصویر فرخ حبیب نے سماجی رابطہ کی ویب سائٹ ٹوئٹر پرپوسٹ کرتے ہوئے کہا کہ اسلام آباد کو امپورٹڈ حکومت نے کنٹینروں کا شہر بنا دیا ہے۔انہوںنے کہاکہ امپورٹڈ حکومت پر عوام بھروسہ نہیں کرتی، یہ ہائبرڈ نظام حکومت ملک کا نقصان کررہے ہیں۔پی ٹی آئی رہنما نے حکومت سے مطالبہ کرتے ہوئے کہا کہ حکومت عوام کی خواہش کا احترام کرے فوری انتخابات کروائے۔
