لاہور( این این آئی) پاکستان تحریک انصاف کے وائس چیئرمین شاہ محمود قریشی نے کہا ہے کہ عمران خان نے تمام جمہوری قوتوں کو لانگ مارچ میں شرکت کی دعوت دی ہے۔ان خیالات کا اظہار انہوںنے ترجمان وزیر اعلیٰ و پنجاب حکومت مسرت جمشید کے ہمراہ غیر ملکی میڈیا نمائندوں سے ملاقات میں گفتگو کرتے ہوئے کیا ۔شاہ محمود قریشی نے کہا کہ موجودہ ملکی صورتحال پر چیئرمین عمران خان اور پارٹی پالیسی بہت واضح اور غیر مبہم ہے۔ملزمان نامزد کرنا مدعی کا حق ، کوئی بھی بنیادی حقوق سے محروم نہیں کرسکتا۔ مسرت جمشید چیمہ نے کہا کہ پوری عوامی قوت اور حمایت کے ساتھ دوبارہ مارچ کا آغاز کر دیا ہے ۔لانگ مارچ کی سکیورٹی کے حوالے سے پنجاب حکومت اور وزیر اعلی پرویز الٰہی ہر ممکن اقدامات یقینی بنا رہے ہیں۔اہداف ہر صورت میں حاصل کیے جائیں گے، چاہے مصیبتوں کے پہاڑ راستے میں کیوں نہ ہوں۔
