سجل علی کی جھانوی کپور کو گلے لگانے کی ویڈیو وائرل

0
45

لاہور (این این آئی) پاکستانی اداکارہ سجل علی اور لیجنڈ بھارتی اداکارہ سری دیوی کی بیٹی جھانوی کپور کی ایک دوسرے کو گلے لگانے کی ویڈیو سوشل میڈیا پر وائرل ہو گئی۔دبئی میں فلم فئیر مڈل ایسٹ ایوارڈز کی ایک تقریب کے دوران پاکستان اور بھارت کے شوبز ستاروں نے شرکت کی، تقریب کے دوران سجل علی کو جھانوی کپور گلے لگاتے دیکھا سکتا ہے۔ایونٹ میں سجل علی کے علاوہ ہمایوں سعید اور فہد مصطفیٰ نے بھی شرکت کی تھی۔یاد رہے کہ فلم موم کی شوٹنگ کے دوران سری دیوی اور ان کے اہلخانہ کے ساتھ سجل علی کے بہترین تعلقات قائم ہوگئے تھے جس کا انہوں نے کئی بار اظہار بھی کیا تھا۔قبل ازیں اداکارہ کا کہنا تھا کہ آن کے ساتھ تعلق میں اپنائیت تھی اور اس وقت بننے والا رشتہ بے حد خاص تھا، ہمارے لیے پروفیشنل لائف کا نہیں بلکہ ذاتی زندگی کا محبت بھرا تعلق قائم ہوا۔