اسلام آباد (این این آئی)سپیکر قومی اسمبلی راجہ پرویز اشرف نے وفاقی وز یر برائے تخفیف غربت اور چیئرپرسن بینظیر انکم سپورٹ پروگرام شازیہ مری کو سوشلسٹ انٹر نیشنل ویمن کا نائب صدر منتخب ہونے پر مبارکباد دی ہے۔ جمعرات کو اپنے تہنیتی پیغام میں انہوں نے کہا کہ ایشیا پیسفک خطے سے سوشلسٹ انٹر نیشنل ویمن کی نائب صدر منتخب ہونا اعزاز کی بات ہے۔ ایشیا پیسفک خطے کی سوشلسٹ انٹر نیشنل ویمن کی نائب صدر کے انتخاب میں کامیابی شازیہ مری کی صلاحیتوں پر اعتماد کا مظہر ہے۔ سپیکر قومی اسمبلی نے اس توقع کا اظہار کیا کہ شازیہ مری بطور نائب صدر سوشلسٹ انٹرنیشنل ویمن خطے کے عوام کی فلاح و بہبود کیلئے بھر پور خدمات سر انجام دیں گی۔سپیکر نے بطور نائب صدر سوشلسٹ انٹرنیشنل ویمن شازیہ مری کی کامیابی کیلئے نیک خواہشات کا اظہار کیا۔
