ممبئی (این این آئی)بالی ووڈ اسٹار ریتک روشن نے اپنی فلم وکرم ویدھا کی باکس آفس پر ناکامی کو تسلیم کرتے ہوئے کہا ہے کہ مجھے اس سے سبق سیکھنا چاہیے۔اس سال ستمبر میں ریلیز ہونے والی وکرم ویدھا کے حوالے سے گفتگو کرتے ہوئے ریتک روشن نے کہاکہ وہ نہیں چاہتے کہ ایک ہی قسم کی فلمیں بنیں۔ واضح رہے کہ فلم وکرم ویدھا نے ٹکٹوں کی فروخت میں بھی وہ مقام حاصل نہیں کیا جو کہ باکس آفس پر کامیابی کے لیے فلم کی پرفارمنس کا تعین کرتی ہے۔ فلم میں ریتک روشن کے ساتھ دوسرے لیڈ کیرکٹرز میں سیف علی خان اور رادھیکا آپٹے شامل تھے، تاہم فلم کی باکس پر ناکامی کے باوجود فلم بینوں اور نقادوں نے ریتک کی کارکردگی کو سراہا ہے۔ایک سوال کہ وہ کیا ہے جہاں لوگ انہیں دیکھنا پسند نہیں کرتے، اس پر ریتک روشن نے کہا کہ ہوسکتا ہے کہ میں نے خود کو بہت سنجیدہ لیا ہو، اور میرا خیال ہے کہ مجھے ایسا بھی ہونا چاہیے۔ انہوں نے کہا کہ ہوسکتا ہے میں ایسے رول نہیں کرنا چاہتا جو میرے پرستاروں کے معیار پر پورا نہیں اترتے، اس کی وضاحت کرتے ہوئے کہا کہ ایک ہی کردار، یکساں فلمیں اور مخصوص پس منظر۔
