اسلام آباد (این این آئی) پاکستان پیپلز پارٹی کے سیکرٹری جنرل نیئر حسین بخاری نے کہا ہے کہ پانچ جنوری یوم پیدائش بانی چیئرمین پیپلز پارٹی قائد عوام ذوالفقار علی بھٹو بھرپورجوش و جزبے سے منایا جائیگا۔ اپنے بیان میں سیکرٹری جنرل پیپلز پارٹی سید نیئر حسین بخاری نے کہاکہ بلاول ہاؤس کراچی میں چیئرمین بلاول بھٹو زرداری مرکزی تقریب میں قائد عوام کے یوم ولادت کا کیک کاٹیں گے ۔ انہوںن یکہاکہ پیپلز پارٹی بانی چیئرمین ذوالفقار علی بھٹو کے یوم پیدائش پر ملک بھر میں جیالے کیک کاٹنے کی تقریبات کا انعقاد کریں گے ۔ انہوںنے کہاکہ مرکزی صوبائی ڈویژنل ضلعی شہری تنظیمی دفاتر میں سالگرہ کے کیک کاٹے جائینگے ۔ نیئر حسین بخاری نے کہاکہ قائد عوام کی ائینی جمہوری قومی خدمات کے حوالے سے پارٹی تنظیموں کے زیراہتمام خصوصی تقریبات کا اہتمام کیا جائیگا ۔
