اسلام آباد (این این آئی)وزیر مملکت اور ترجمان پیپلزپارٹی فیصل کریم کنڈی نے پنجاب حکومت کی فورنزک رپورٹ پر رد عمل کا اظہار کرتے ہوئے کہا ہے کہ عمران خان کی اپنی حکومت نے ان کے جھوٹ کے پرخچے اڑا دیئے ہیں۔ اپنے بیان میں فیصل کریم کنڈی نے کہاکہ حقائق سامنے آنے کے ڈر سے عمران خان نے کسی سرکاری ہسپتال سے فوری امداد نہیں لی ۔ انہوںنے کہاکہ جھوٹ بولنے میں عمران خان نے ہٹلر کے مشیر اطلاعات گوئبلز کو بھی پیچھے چھوڑ دیا ہے۔ فیصل کریم کنڈی نے کہاکہ عمران خان کا وزیر آباد بیانیہ بھی بے نقاب ہو چکا ہے، دیکھنا یہ ہے یوٹرن خان فرانزک رپورٹ پر کون سا یوٹرن لیتے ہیں ۔ انہوںنے کہاکہ نیازی 2023 کا سال آپ کے سیاسی زوال کا سال ہے ۔
