اسلام آباد(این این آئی)الیکشن کمیشن آف پاکستان کے سابق سیکرٹری کنور دلشاد نے کہاہے کہ الیکشن کمیشن نگران وزیراعلیٰ مقرر کر دے تو فیصلہ حتمی ہوتا ہے۔نجی ٹی وی سے گفتگو میں کنور دلشاد نے کہاکہ نگران وزیراعلیٰ سے متعلق الیکشن کمیشن کا فیصلہ کسی عدالت میں چیلنج نہیں ہوتا۔انہوںنے کہاکہ الیکشن کمیشن کو 4ناموں میں سے کسی ایک کو نگران وزیراعلیٰ مقرر کرنا ہوتا ہے۔کنور دلشاد نے کہا کہ تمام سیاسی جماعتوں کو الیکشن کمیشن کا فیصلہ تسلیم کرنا لازمی ہے۔الیکشن کمیشن آف پاکستان کے سابق سیکریٹری نے کہاکہ دنیا کے کسی بھی ملک میں نگران حکومت کا نظام نہیں ہے۔انہوںنے کہاکہ پاکستان میں سیاسی جماعتیں کسی پر اعتماد نہیں کرتیں اس لیے یہاں نگران سسٹم ہے۔
