جاوید آفریدی سے سعودی کرکٹ فیڈریشن کے چیئر مین کی ملاقات ، پی ایس ایل میچز دیکھنے کی دعوت

0
321

اسلام آباد (این این آئی)پشاور زلمی کے چیئرمین جاوید آفریدی نے سعودی کرکٹ فیڈریشن کے چیئرمین پرنس سعود بن مشعل سے ملاقات کی جس میں جاوید آفریدی نے پرنس سعود بن مشعل کو پشاور زلمی کی شرٹ پیش کی اور پی ایس ایل میچز دیکھنے کی دعوت دی ۔ جاری اعلامیہ کے مطابق پشاور زلمی کے چیئرمین جاوید آفریدی نے سعودی عرب کے دارلحکومت ریاض میں سعودی کرکٹ فیڈریشن کے چیئرمین پرنس سعود بن مشعل سے ملاقات کی۔جاوید آفریدی نے پرنس سعود بن مشعل کو پشاور زلمی کی شرٹ پیش کی اور پرنس سعود بن مشعل کو پی ایس یل میچز دیکھنے کے لیے پاکستان آن کی دعوت دی، ملاقات میں باہمی دلچسپی خصوصا پاک سعودی کرکٹ تعلقات پر تبادلہ خیال کیا گیا۔جاوید آفریدی نے پرنس سعود بن مشعل کو پشاور زلمی کی جانب سے سعودی عرب میں کرکٹ کے فروغ کیلئے ہرممکن تعاون کی یقین دہانی کرائی۔