راولپنڈی(این این آئی)شیخ رشیدکو اڈیالہ جیل حکام کی جانب سے ریٹرننگ افسر (آر او) کے سامنے پیشی کی اجازت نہیں ملی، انہیں این اے 62 کے ضمنی انتخابات میں کاغذات نامزدگی کی اسکروٹنی کیلئے آر او نے طلب کیا تھا۔جیل ذرائع کے مطابق آر او این اے 62 کی جانب سے شیخ رشید کو پیش کرنے کی ہدایت تھی تاہم اس میں واضح ڈائریکشن نہیں تھی۔ آر او این اے 62 نوشین اسرار نیگزشتہ روز اڈیالہ جیل حکام کو خط لکھا تھا۔دوسری جانب شیخ رشید کے مقرر نمائندے شیخ راشدکی موجودگی میں آر او نے شیخ رشید کے کاغذات نامزدگی درست قرار دے دئیے۔13 فروری تک شیخ رشید کے کاغذات نامزدگی پر اعتراضات داخل کیے جاسکتے ہیں، ابھی تک شیخ رشید کے کاغذات نامزدگی پر کوئی اعتراضات نہیں آئے۔میڈیا سے گفتگو کرتے ہوئے شیخ راشد شفیق نے کہاکہ رات7 بجے جیل سے فون آیا کہ ہم شیخ رشید کو پیش نہیں کر رہے، جیل سپرنٹنڈنٹ نے مجسٹریٹ کا حکم ماننے سے انکار کیا۔شیخ راشد نے کہاکہ مری سے واپسی پر رات شیخ رشیدکو کسی سے ملوانے لے کرگئے، وفاداریاں تبدیل کرنیکا کہا جا رہا ہے، شیخ صاحب نے کہا میں عمران خان کے ساتھ ہوں۔انہوںنے کہاکہ آر او نے شیخ رشید کے کاغذات نامزدگی منظور کر لیے ہیں۔
