بچپن سے پتہ تھا کہ میں کیا بننا چاہتا ہوں، گلوکار علی ظفر

لاہور (این این آئی)لاہور میں پاکستان لٹریچر فیسٹیول کے میٹ دی اسٹار میں علی ظفر سیشن ہوا، اس موقع پر گفتگو کرتے ہوئے گلوکار علی ظفر نے کہا کہ جس گھر میں میں پیدا ہوا وہ علمی گھرانہ ہے۔ ہمیشہ گھر میں پروگریسیو گفتگو ہوتی تھی۔ اچھے اور برے میں نہیں، درمیان میں دیکھنا چاہیے۔ انہوں نے کہا کہ خوبیاں، خامیاں ہر کسی میں ہوتی ہیں۔ مجھے بچپن سے پتہ تھا کہ میں کیا بننا چاہتا ہوں۔ میرے والد پوچھتے تھے زندگی میں کیا کروگے اگر سی ایس ایس نہیں کرنا؟ میں کہتا ‘یہ نہیں چاہتا کہ میری گاڑی اور نمبر پلیٹ دیکھ کر لوگ میری عزت کریں۔گلوکار علی ظفر نے کہا میں چاہتا تھا کہ لوگ میرے کام کی وجہ سے عزت کریں۔ان کا کہنا تھا کہ طیفا ان ٹربل اس لیے بنائی تاکہ پاکستان کو فخر ہو۔ پاکستان میں بہت ٹیلنٹ ہے۔ انہوں نے کہا میں نے کترینہ کیف کو کہا شادی اپنی اپنی، نہ وہ شادی میں آئیں، نہ میں گیا۔ کترینہ کیف بہت محنتی ہیں اور کام پر فوکس کرتی ہیں۔ میں کترینہ کیف کا اردو کا استاد تھا، ان کو اردو نہیں آتی تھی۔ علی ظفر نے قہقہ لگاتے ہوئے کہا میرے بعد نہ کوئی اسٹار پیدا ہوسکتا ہے نہ ہوگا۔ علی ظفر نے کہا کہ جو نئے بچے ہیں ان کے پاس پلیٹ فارم ہے۔ ہمارے وقت میں اتنا کچھ نہیں تھا، ‘چھنو’ گانے کی وجہ سے شہرت ملی۔ ان کا مزید کہنا تھا کہ کیبل والوں کو کہتا تھا کہ میرا گانا چلا دو، اْس وقت مشہور ہونا مشکل تھا۔انہوں نے کہا کہ میں نے ایک ورچوئل علی ظفر بنایا ہے اس کا نام ہے اے زی ایکس۔ اے زی ایکس اگلے ویڈیو میں نظر آئے گا، گانا 14 فروری کو ریلیز ہوگا۔علی ظفر نے گانا ریلیز ہونے سے پہلے حاضرین کو ویڈیو دکھادی۔