ممبئی (این این آئی)بالی ووڈ کے معروف فلمی خاندان سے تعلق رکھنے والی اسٹار رنبیر کپور نے اپنی بیٹی راہا کے حوالے سے ایک پیار بھرے معصومانہ خدشے کا اظہار کردیا۔اداکار کا کہنا ہے کہ اس وقت جبکہ ان کی داڑھی ہے اور ان کی بیٹی اب انہیں اس کے ساتھ کچھ کچھ پہچاننے لگی ہے لیکن جب میں اسے منڈوا لوں گا تو پھر کیا ہوگا؟ کیا وہ بغیر داڑھی کے پہنچان پائے گی۔فلم ‘برہمسترا’ کے ایکٹر نے یہ بات انڈین آئیڈل میں اپنی نئی فلم ‘تو جھوٹی میں مکار’ کے پرومو کے موقع پر اس وقت بتائی جب مقابلے میں شریک ایک کنٹسٹنٹ رنبیر کی داڑھی دیکھ کر ان سے پوچھا کہ جب وہ اپنی بیٹی کو اٹھا کر پیار کرتے ہیں تو کیا اسے داڑھی چھبتی نہیں؟ اس پر رنبیر نے کہا کہ یقیناً ایسا ہوتا ہے لیکن اس کے باوجود اس نے پیدائش کے بعد سے جب بھی مجھے دیکھا اسی حلیے میں دیکھا لیکن اس کے بغیر دیکھے گی تو کیا مجھے پہچان پائے گی، اس پر مجھے خدشات ہیں۔واضح رہے کہ رنبیر اور عالیہ بھٹ کی گزشتہ برس اپریل میں شادی ہوئی تھی اور گزشتہ نومبر میں ان کی بیٹی کی ولادت ہوئی ہے۔رنبیر کپور اپنی بیٹی کی ولادت کے بعد سے داڑھی بڑھا رہے ہیں اس کی وجہ ہدایتکار سندیپ ریڈی وگنا کی آئندہ آنے والی فلم ‘اینیمل’ ہے جس میں رنبیر کو داڑھی کے ساتھ نظر آنا ہے۔
