ممبئی (این این آئی) ابھیشک بچن موسیقی کے دلدادہ ہیں، زیادہ لوگوں کو یہ بات معلوم بھی نہیں کہ وہ استاد امجد علی خان سے سرود بجانا سیکھتے تھے۔انہوں نے حال ہی میں اپنے استاد کے ایک کنسرٹ میں ایشوریا رائے اور بیٹی ارادھیا کے ساتھ شرکت کی۔استاد امجد علی خان کا کنسرٹ گزشتہ روز منعقد ہوا تھا، ابھیشک نے انسٹاگرام پر پوسٹ کرتے ہوئے بتایا کہ وہ استاد سے سرود سیکھتے تھے لیکن انہیں بورڈنگ سکول جانے کی وجہ سے وہ سلسلہ منقطع کرنا پڑا۔انہوں نے کہا کہ زوہان اور عبیر کو استاد امجد علی خان کیساتھ سرود بجاتا دیکھ کر دلی مسرت ہوئی۔ابھیشک نے بتایا کہ بچپن میں امان، ایان (استاد امجد علی خان کے بیٹے)اور میں ایک ساتھ سرود سیکھتے تھے۔اداکار نے کہا کہ تین نسلوں کو ایک ساتھ سٹیج پر دیکھنا بہت بڑے اعزاز کی بات ہے۔
